DeepArticle01

 KYA HUM 15 AUGUST 1947 KO AAZAD HO GAYE THE.....?? Jhanda badla, shasan badla… par soch ? Yahi asli sawal hai. Bharat ko aazad hue dashkon beet gaye, lekin mansik roop se hum aaj bhi wahi chal rahe hain jahan hume chalna sikhaya gaya tha. Aazadi agar sirf satta ka transfer ho, to use poori aazadi kaise kaha ja sakta hai? SHIKSHA YA SYSTEM KI ZANJEER? Aaj ki shiksha gyaan se zyada adjust hona sikhati hai . Sochna nahi, follow karna. Sawaal nahi, syllabus. Jo line se bahar soche, use bekaar kaha jata hai. Yeh vyavastha creator nahi, clerk paida karti hai . DIMAG KI GULAMI SABSE KHTARNAAK Hum apni cheez ko kam aur videshi cheez ko behtar maante hain. Bhasha badlo to smart, lifestyle badlo to modern. Yeh gulami dikhti nahi, par har decision me jhalakti hai. Zanjeer dimag me ho to jism apne aap jhuk jata hai. ENGLISH = INTELLIGENCE? Is desh me angrezi bolna sirf bhasha nahi raha, balki status ban gaya hai. Apni bhasha bolne wala kamtar aur angrezi bolne wala hoshiyaar maana jata hai. J...