AFGHANISTAN ME INTERNET SHUTDOWN: KYA HAI PURA MATTER?

AFGHANISTAN ME INTERNET SHUTDOWN: KYA HAI PURA MATTER?

Afghanistan me abhi ek bada Internet aur Mobile Network Shutdown hua hai jisme poore desh ke log digital duniya se cut gaye hain. Ye shutdown 29 September se suru hua tha aur kuch din tak pura Afghanistan ka network lagbhag band raha.

SHUTDOWN KAISE HUA?

Reports ke mutabik, pehle kuch provinces me network slow kiya gaya tha, phir dheere-dheere pura nationwide shutdown kar diya gaya. Cloudflare aur Internet monitoring agencies ne confirm kiya ki internet traffic Afghanistan me almost zero level tak gir gaya.

TALIBAN KA KEHNA KYA HAI?

Taliban ne is shutdown ko deny kar diya. Unka kehna hai ki ye sirf fiber cable repair ka kaam tha, koi intentional ban nahi. Lekin ground par logon ka experience alag hi keh raha hai kyunki 3G/4G aur calling services bhi ruk gayi thi.

LOGON PAR ASAR

1. COMMUNICATION BAND – Families apas me contact nahi kar pa rahe.

2. BANKING AUR BUSINESS CRASH – Online banking, paisa bhejna, ATM services sab ruk gayi.

3. FLIGHTS CANCEL – Kabul airport par communication problem ke wajah se kai flights cancel ho gayi.

4. RELIEF WORK SLOW – Afghanistan abhi earthquake se bhi joojh raha hai. Internet band hone se NGOs aur relief agencies ko madad pahunchane me mushkil ho rahi hai.

5. WOMEN AUR STUDENTS KO SABSE BADA NUKSAN – Already Taliban ne unki education aur freedom restrict kar rakhi hai. Ab online classes aur information access bhi band ho gayi.

ABHI KI SITUATION

2 din baad internet kuch had tak wapas aaya hai, lekin abhi bhi services unstable hain. Pura access kab milega iska clear idea nahi hai.

CONCLUSION

Ye internet shutdown sirf technical issue nahi hai, balki ek tarika hai logon ko control karne ka. Jahan poore world me digital freedom important ban chuki hai, wahin Afghanistan ke log abhi bhi basic communication se vanchit hain. International community bhi Taliban se demand kar rahi hai ki wo turant internet bahal kare.